Վազգեն Թևանյանը` Եվրոպայի չեմպիոն

Սերբիայի Նովի Սադ քաղաքում շարունակվում է ազատ ոճի ըմբշամարտի Եվրոպայի մինչև 23 տարեկանների առաջնությունը:

63 կգ քաշային կարգում Հայաստանը ներկայացնող Վազգեն Թևանյանը հասել էր մինչև եզրափակիչ: Վճռորոշ գոտեմարտում Թևանյանը մրցել է վրացի Էդեմի Բոլկվաձեի հետ: Մեր ըմբիշը 2:1 հաշվով հաղթանակ է տարել ու դարձել Եվրոպայի չեմպիոն:

2018թ․ Եվրոպայի երիտասարդական չեմպիոն Վազգեն Թեւանյանը նախօրեին պայքարը սկսել էր 1/8 եզրափակիչից, որտեղ 8:6 հաշվով հաղթել էր Ֆրանսիան ներկայացնող Իլման Մուխտարովին: Քառորդ եզրափակիչում հայ ըմբիշը 17:4 հաշվով ուժեղ էր գտնվել թուրք Սելիմ Կոզմանից, իսկ կիսաեզրափակիչում պարտության էր մատնել մոլդովացի Մաքսիմ Սակուլտանին՝ 2:1:

Հավելենք, որ 74 կգ Խաչատուր Պապիկյանը (74 կգ) բուլղարացի (17:8) և մոլդովացի (4:0) ըմբիշների նկատմամբ հաղթանակներից հետո դուրս է եկել կիսաեզրափակիչ, որտեղ ժամանակից շուտ 0:10 հաշվով պարտվել է ռուս Նիկիտա Սուչկովին: Մարտի 10-ին Խաչատուր Պապիկյանը կանցկացնի բրոնզե մեդալի համար գոտեմարտ:

Հայ ըմբիշները մրցավայր են մեկնել ազատ ոճի ըմբշամարտի Հայաստանի ազգային հավաքականի գլխավոր մարզիչ Հաբեթնակ Կուրղինյանի գլխավորությամբ:

(Visited 17 times, 1 visits today)